دوونێ هونەرمەندێ بەرنیاسێ كورد عەبدوللا زێڕین د رۆژا وەغەرا تەحسین تەهای دا ل 28/5 چۆ بە ردلۆڤانیا حودێ. ئەڤ هەردوو سترانبێژ خەڵكی ئامێدیێ بوون، وەغەرا وان كەفتە د ئێك رۆژدا.
موزیكژەن جەمال محەممەد ئەدیب ئامێدیی، سەروكێ تیپا دهۆكی یا موزیكی ، كو ئێك ژ هەڤالێن هونەرمەندێ وەغەركری عەبدوللا زێڕین بوو بۆ (رووداو) دبێژی" عەبدوللا زێڕین گەلەك حەز ژ هونەری دكر و ژ حەزا وی بۆ كارێن هونەری ل سالێن هەشتێیا ستۆدیۆیەك ل مالا خۆ دا دروستكر و چەندین بەرهەمێن هونەری تێدا تۆماركرن".
زێدەباری بەلافكرنا ب دەهان بەرهەمان ژ سیدی و كاسێتان، عەبدوللا زێرین چەندین سترانێن دووقۆلی ژی دگەل هونەرمەندێن نەمر مریم خان، گولبهار ، نەسرین شێروان گوتینە. جەمال محەمەد دبێژی" ل 2008 دووماهیك بەرهەمێ وی كاسێتەك بوو من گەلەك كار دوی بەرهەمیدا كر، ئەوی بەرهەمی ژی گەلەك دەنگ ڤە دا". ئەو هەڤالێ عەبدوللا زێڕینی دبێژی " دەمەكێ درێژبوو تووشی نەخوشییەكا هەستیكا ببوو، پاشی بالانسا لاشی وی ژی گەلەك تێكدچۆ، هەرچەندە چەندین جاران بو چارەسەریا نەخوشیێن خوە دچۆ ئەلمانیا، بەلێ چارەسەری ڤەنەدیت و ئەو نەخۆشی بوونە ئەگەر كو گیانێ خوە ژ دەست بدەت".
هونەرمەند ئەمیر سدیق رێڤەبەرێ هونەرێ موزیكی ل دهوكێ بۆ (رووداو) دبێژی" دەمژمێر 9ی سپێدەهیا رۆژا 28/5 هونەرمەند عەبدوللا زێرین ل باژارێ دهۆكێ گیانێ خوە ژ دەستدا، بشتی تاقیكرنێن لەشێ وی هاتینەكرن پاشان ل گۆرستانا شاخكێ هاتە ڤەشارتن".
هورنەمەندێ مەزن تەحسین تەها ژی ل سالا 1942 ل باژارێ ئامێدیێ ژدایكبوو، پشتی پەیمانگەها هونەرێن جوان تمام كری پڕانیا ژیانا خوە بو خزمەتا هونەرێ كوردی تەرخانكر، ل هەمان رۆژ ل سالا 1996 ( 28/5/1996) ل وەلاتێ هولەندا ب نەخۆشیێ چۆ بەدلوڤانیا خودێ . ئیدی ئامێدیێ د وێ رۆژێدا دوو تازی و بەهی هەنە.
هونەرمەند عەبدوللا زێرین فەرمانبەرێ رێڤەبەریا هونەرێ موزیكێ بوو ل دهۆكێ. ئەمیر دبێژی" ئێك ژوان هونەرمەندانە خزمەتەكا مەزن یا هونەرێ كریە و ل سالێن حەفتیا و تا دووماهیك رۆژ ل ژیانا خوە خزمەتا هونەرێ كوردی كریە".
هونەرمەند عەبدوللا زێرین ل سالا 1956 ل باژارێ ئامێدیێ هاتییە سەردونیایێ ل سالێن حەفتیان دەست ب ستران گوتنێ كریە، پشتی سەرهەلدانێ بۆ چەندین سالا دچیتە دەرڤەی وەلاتی و ل سالا 2004 ڤەدگەڕیتەڤە كوردستانێ و ل باژارێ دهۆكێ دبیتە جێگرێ سەرۆكێ تیپا دهۆك یا موزیكی و پاشان دبیتە فەرمانبەر ل رێڤەبەریا هونەرێ موزیكی ل دهوكێ.
تەرمێ ب ئامادەبوونا كەسوكار و هەڤالێن وی ل دهۆكێ هاتە ڤەشارتن.
No comments:
Post a Comment